早幾日試完加咗STI升級配件嘅富士ImprezaWRX之後，昨日又收到代理方面嘅電話，話ImprezaWRX嘅車價有變動，初時我仲以為係價錢向上升，哈，但原來係掉番轉頭減價喎！好似買2006年車咁，車價就由原來嘅$265,200減$40,323，新價為$224,877，若然係2005年車的話就更加吸引，新價$219,000，足足減咗$46,200！
雖然跟頂級STI版一樣用2.5公升Turbo引擎，但馬力輸出只有230匹，而波箱亦只是5前速手動型號，但慳番嘅車價可以用來選購代理提供的STI升級套件（$9,800連安裝）外，也可以$2,400選購原廠車身貼紙，計計埋埋都仲有錢剩俾你去改裝。不過數量有限，賣晒就無㗎喇！
記者：鄭達基