回顧之前嘅賽事，球迷最失望嘅當然就係巴西同英格蘭入唔到準決賽喇！仲有具冠軍相嘅德國也敵不過意大利迪比亞路同格羅素嘅入球，0:2慘敗。
今屆盡顯黑馬本色
唔開心嘅唔講喇，不如睇番今晚場波，邊個係冠軍仲好啦。講番之前小組賽，每個球迷都覺得意大利咁樣踢法，就算小組出到線，亦都唔會入到決賽喇！
原來呢隊真係黑馬球隊，開頭陰啲陰啲咁踢，組織性唔強，但估都估唔到一直以嚟只係失一球波（烏龍球）咋；係今屆決賽周失球最少嘅球隊（瑞士都冇失波，但16強已出局），總算對意大利球迷有個交代，仲要今晚同法國爭冠軍㖭，真係令到好多人刮目相看！
講到法國，施丹同亨利愈踢愈起勁，尤其係施丹，佢真正話畀全世界人知，我先至係「魔術腳」！如果今晚場波兩隊陣容都冇變，法國中前場再合拍多啲，意大利又放迪比亞路做正選嘅話，呢場波就真係非常好睇喇。
對施丹嚟講，如果法國真係攞冠軍，咁施丹喺足球路上，就得到人生中最有歷史紀念價值嘅一刻了。
Toby梁靖琪
走出女生宿舍依舊人氣鼎盛，為睇波更不惜捱更抵夜。