關你車事：解構城城$12,000,000ZondaF<br>又闊又矮好易抄牌刮車底

關你車事：解構城城$12,000,000ZondaF
又闊又矮好易抄牌刮車底

郭富城一擲千萬買下意大利超級跑車PAGANIZondaF，佢一向鍾意用靚車接載女伴、去便利店買報紙、酒店食飯等，但此車無論從設計到Performance都與其他跑車不同，想用嚟載女伴周圍去，睇怕搵位泊車都已經係一大難題，仲有，部車離地距只有汽水罐咁高，好易會刮爛車底。唔信？慢慢逐Part解構話過你知!
記者：黃婉冰
攝影：周旭民、林栢鈞

大籮柚又矮得得　城城點揸佢出街

首次見到ZondaF真身，無可否認，呢架車個Body真係好吸引，物似主人形，成架車的線條同城城一樣，外形不算高頭大馬，但全身充滿的肌肉感，引死人。
無錯，架車的確好靚，但ZondaF同其他超級跑車好似林寶堅尼、法拉利等有少少不同，此車闊頭闊尾，闊過架小巴，車身又Load到勁低，如果城城想出動佢嚟接載靚女出街食飯，睇怕要先解決以下幾個問題：

遲啲攞落Track試

計埋呢架ZondaF，城城收藏的超級跑車總值已接近半億，咁有Taste，難怪連PAGANI車廠創辦人兼設計師都要專程由意大利老遠飛來香港，親手將車匙交到Aaron手上，同時給他頒發「亞洲超級車主」獎座，證明他是全亞洲擁有最多名貴跑車的車主。「ZondaF一向係我嘅DreamCar之一，佢係架好完美嘅車，Performance好優秀，設計就好似一件藝術品咁靚，佢最吸引我嘅地方係右軚，喺香港隨時都揸得。其實自己一向比較鍾意V12引擎嘅車，扭力夠高，尤其是中段時個爆炸力好夠勁，但呢架ZondaF，我暫時未有真正放盡咁去試過，遲少少有時間無咁忙，我可能會落Track試盡佢。」

■車廂跟足賽車設計，一個字，型。

■AMGV12引擎，0-200km/h只要9.8秒。

■連腳踏都咁靚，貴都值得。

■錶板有啲似蝙蝠車！

76萬補品升級

城城今次不但豪花購得心頭好，出車前，佢再豪多$760,000來加大50匹馬力、換碳纖維車殼、換上Carbon-CeramicBreaks同Antitheft&TrackingSystem，可見其瘋狂程度。咁落本去改車，Performance有幾勁毋庸置疑，淨係撻匙一下傳來的超級跑車聲，已足以令愛車之人精神為之一振，難怪試過的人都話，ZondaF的引擎聲比保時捷的CarreraGT有過之而無不及。坐上去，一邊聽住引擎怒吼，一邊享受着那種獨有的「推背」高速感，做乘客都已經有無比快感，相信駕駛者一定更為之瘋狂。

■賽車桶Seat，女仔坐會覺得唔舒服。

■20吋合金軨，高速表現一流。

年產25架

這架由意大利車廠為紀念已故5屆一級方程式世界冠軍阿根廷車手J.M.Fangio而特別設計的ZondaF，是上一代Zonda的改良版。PAGANI向來以打造碳纖車身出名，為求達到每部份都完美無瑕，所以會以人手打造，每個接駁位都有對稱效果，除此，車內車外每部份組件亦是由人手去做，每年只能生產25架，而香港獲得6架配額，就算想訂購，都要等9個月先有貨。除車廂顏色可為車主度身訂做，車主仲可揀選自己喜歡的車廂顏色，而城城今次選擇全黑色車櫳，襯番個碳纖車殼，望落亦無鮮紅色咁揚。

女伴落車好易走光

　車矮、門檻高，Seat位又低，女士一腳檻出車，嘩，着裙者一定走晒光。紀香姐，唔怕，我教你，首先雙腳踏出車，但一定要城城幫手扶你起身。