家英哥拍過40多部電影，談到滿意之作，為他連奪金馬像和金像獎最佳男配角的《女人四十》自動當選。他說：「我覺得自己做得好投入、好自然，個角色掌握得好好。初頭導演許鞍華搵我拍呢套戲我都覺得有啲意外，另外《香港淪陷》我都好鍾意。」 不過，家英哥自言也曾拍了一些令他耿耿於懷的角色，他說：「好似《等愛的女人》入面我做嗰個醫生，個角色係可有可無㗎，仲要係做一個猥瑣嘅醫生，幫女病人做隆胸手術，當時覺得幾難做㗎；又好似《金枝玉葉》入面要做同性戀者，當時都覺得難過，真係接受唔到做呢啲角色。」