曾經喺香港紅過吓嘅台灣小天后笛子姑娘，有段日子真係幾風光，但隨住年紀日增，無論佢嘅歌路同形象都已經outout哋，連班fans都俾台灣大受歡迎嘅糖衣奶搶走晒，所以笛子姑娘意志好消沉，成日蒲吧買醉。關仁早排喺台北嘅明星蒲點Room18，見到佢飲到成劈爛泥咁，同四、五個新相識嘅男人攬埋一嚿，之後仲俾班男人扶佢走。笛子姑娘雖則事業唔如意，但女仔之家，飲到咁點得㗎？分分鐘一失足成千古恨呀！