勤力人近排被踢爆同三色台花旦可零之前拍劇傳緋聞，關仁知道呢單料堅過石堅。雖然可零同老公文蟲表面好似好恩愛，其實只係文蟲一廂情願，可零對佢人前扮小鳥，人後就呼呼喝喝。自拍劇同勤力人擦出愛火花，可零成個人醒晒，佢當年雖然宣布咗要同文蟲結婚，但一日未簽紙，佢仲可以反口，關仁聽聞佢之前仲同人講過想悔婚，做勤力人背後嘅女人，不過男方始終對屋企件港姐未婚妻有一定感情。有時文蟲唔喺屋企，可零都會帶勤力人返屋企短敍，所以佢好緊張屋企保安，因為俾狗仔隊偷拍到就死梗。