王菀之被海洋公園委任為海洋公園學院榮譽教育大使，噚日出席「探索與實踐計劃」頒獎禮，近距離接觸出名大聲嘅海獅「大聲公」。出名「蚊聲」嘅王菀之同大聲公見面，居然話有信心講嘢比大聲公大聲，訓練員指示大聲公同現場觀眾打招呼，聲浪震天，嚇到佢呆咗。王菀之又話鍾意熊貓，記者取笑佢緋聞男友張敬軒有黑眼圈似熊貓，佢即為對方解圍話：「佢話自己係馬騮王子呀！」
