香港新一代創意無限！明愛白英奇學校昨日在灣仔舉行畢業時裝展，將天馬行空的念頭，化為誇張、奇幻的舞台服裝。連續七年為畢業Show演出的名模陳沛嘉大讚學生創意無限，就算要她換10套性感又難穿的服裝演出，汗流浹背都毫無怨言。
名模陳沛嘉、李璨琛前女友Carrie、Ren等昨日在灣仔會展，為明愛白英奇專業學校新一屆的畢業時裝比賽行騷。比賽分為創意組、晚裝組等，共展出206套學生作品，古靈精怪、色彩繽紛的服裝作品，但單看學生的創意及破格思維，已算有驚喜。
換十套衫
名為「魘論」的作品，用色鮮明搶眼，超大的collars及立體肩膊外衣，明顯受到設計師JohnGalliano「啟迪」，配上性感比堅尼等，舞台效果強烈。畢業學生作品也大膽用上古怪物料如車輪、氣球、電話線和雨傘等，增加可觀性，如「第三命」的巨型氣球帽，「畸形村」系列，將掛衣公仔的斬件組合成黑衣，巧妙做出露「胸」、露「臀」效果等。
連續七年演繹學生作品的陳沛嘉說：「今晚我換10套衫，有啲仲好古怪、大件難着，搞到我好似做完運動咁，出晒汗！我做咗七年，都為佢哋犧牲色相，袒胸露股喇！不過今年嘅作品真係好有水準，剪裁靚咗、又有創意。」
提到AnaR.在雜誌公開講同行私隱，如樂基兒平胸、Rosemary皮膚黑等，問陳沛嘉在後台換衫可會加倍小心？她說：「我諗佢唔係啲咁嘅人，我平時都好小心㗎喇，會貼晒乳貼先換衫，我覺得佢俾雜誌影到露點相真係好慘，呢啲咁私人地方，俾600、700萬人攞嚟講，一定唔開心。」
採訪：JessicaNgan
攝影：ChenWaiOn
