賽事：巴西vs加納（16強）
大家都知，朗拿度、朗拿甸奴、卡路士佢哋除咗好波，仲鍾意識女仔，留低唔少風流賬。
巴西國家隊前年嚟香港比賽嗰陣，晚晚都去呢間DRAGONY就知啦。加納嗰邊就知道呢一點，派出一名美女去分散佢哋注意力。
就係呢一位，單睇佢個樣，佢好似係一個陽剛味十足嘅非洲男人，但其實佢係一個女人嚟，因為佢個名叫做「加恩」；響香港叫得嘉欣嘅都一定係靚女，好似「李加恩、林加恩、鍾加恩」咁。所以巴西班球員一見到加恩，就會幻想為香港嗰班靚女，由「加恩」，變做「李嘉欣」，由「李嘉欣」變做「林嘉欣」，再由「林嘉欣」又變番做「加恩」，再突然間又變做「鍾嘉欣」，睇睇吓，本身係男人嘅加恩都會變為美女一樣，到時巴西果班好色之徒想贏都難（編者按：加納前鋒AsamoahGyan本報譯作基恩）。
結果：巴西勝加納--3:0