內地搞宏調，新一輪措施針對外資買樓投機。不過，個別內地發展商無有怕，繼續嚟香港推盤，其中一個係蘇州豪宅盤蘇州中茵‧皇冠國際。蘇州樓盤向來唔係港人熱捧嘅對象，唔似深圳、上海或廣州樓盤咁吃香，加上喺呢個時候推盤，蘭西就好懷疑港人會唔會有興趣買嚟投資。
可能因為咁，發展商蘇州中茵集團特別畀多啲優惠買家，個盤會喺今個月底嚟香港促銷，發展商話預留咗?單位畀港人買家，兼提供連續4年租金回報率7.5%置業優惠，聽落都幾吸引。
美聯中國求變應戰
講開宏調，美聯中國日前喺深圳開年度大會，執行董事郭應龍大講喺宏調嘅情況下，員工要識得求變，爭取更多生意機會，。雖然係老生常談，不過員工都好受落，事關過去半年美聯中國喺郭總嘅帶領下，各區表現唔錯，單係深圳?生意額比舊年同期增加近七成，盈利急升八倍㖭。