大劉話同李嘉欣咁耐都無「包」嘅感覺。那，意思是愛嗎？其實我如果我有「TheOne」的身家，畀錢時一樣會「無感覺」；有英格蘭球迷話唔理隊波打得幾衰都愛佢哋，我再問如果成隊波都係「蘇金寶」咁款你又愛唔愛，佢即時窒晒。咁又係唔係愛？
香港只出產足球投注文章。愛足球，除了報紙的3串4，多看關於451、442當然有益，向來推薦《足球周刊》，特別係大陸版（$9），順道學埋簡體字嘛。正閱讀Roundtables推出《一人一球》（$45），收錄多篇足球分析/散文文章，質素參差，不過單單梁款一篇「利物浦」，就令人感動之餘，也對利記多了三分尊重。要看足球文章英國的當然更佳，習慣看MylesPalmer（因為有網站，免費，而且作者乃阿仙奴擁躉，多評阿記），理性的英迷，好應該看看他評英格蘭今屆世界盃死因的一篇，既狠且準！（網址： http://www.arsenalnewsreview.co.uk/news/274/42.html）