有識之士

親愛編輯捱義氣上個禮拜幫我頂咗一期，在此謝過。實情大腦便秘，原因是呢個足球月，雖然自己唔係球迷無睇波，但跟大部份球迷一樣，接近大半月無睇戲無聽歌無買書，唔便秘有鬼。本周都唔係好好景，不過因工作關係走了Uniqlo一轉，向來品牌跟ArtistCollabo的T恤系列差唔多一出排隊掃清光，呢啲熱鬧通常我都湊唔到，平時借衫行街仲唔夠咩，放假通常都匿埋唔見人，點知呢期Uniqlo入嘅貨量應該係多咗，一大批Artist交叉作依然仲喺度，$79一件較日圓更平，唔跌錢支持吓都幾難，尤其美國的BarbaraKruger係個人心水之一，呢件YourBodyisaBattleground仲有少少文化味，啱晒我扮有識之士㖭呀。