【韓國直擊】16位候選港姐昨日偕阿旺郭晉安在濟州拍攝外景，擔任嘉賓的阿旺大呻侍候16位佳麗十分吃力。準備埋位時，身形不俗的4號黃瑩俯身洩春光，15號周家蔚和qh邱詠恩享用午膳時更不慎露底，可謂春光無限。
郭晉安與16位候選港姐昨日在韓國濟州開始首日外景行程，先後到韓星李秉憲和宋慧喬拍攝韓劇《Allin真愛賭注》時的小教堂及《大長今》的民族村取景。眾佳麗甫見李秉憲和宋慧喬的人形紙板即興奮合照，如小fans一般雀躍。
不過，到正式埋位拍攝MV時，眾佳麗卻頻頻NG，其間4號黃瑩NG了六、七次，是佳麗中NG最多的一個，氣得導演當眾罵道：「黃瑩，又係你，你唔好成日望住地下，睇住行啦！」黃瑩聽罷惟有尷尬地點頭賠不是。3號李穎詩拍攝一個作狀舉機為郭晉安拍照的場面時，因為動作太快而被導演責罵，但李穎詩即時駁嘴說：「影靚仔梗係要快啲影㗎啦！」
NG仍死撐
問李穎詩可擔心因此觸怒導演？她說：「求其講啫，都唔會嘅，大家合作都幾愉快。」黃瑩則為自己頻頻NG解釋：「對眼見光擘唔大，都係NG幾次啫，要試啱位先拍㗎嘛。」
昨日眾佳麗雖然打扮密實，但在午膳時段，1號曾愛媚、15號周家蔚和16號邱詠恩不慎露出內褲，13號陳茵媺則因上圍太勁而迫爆衫鈕，曾愛媚飯後嘴角更留有菜汁，認真失儀。
問到擔任表演嘉賓的郭晉安首日拍攝感覺如何？他說：「開頭以為好舒服，但原來個個女仔都要serve！」要他服侍16位佳麗是否感吃力？他笑說：「係呀，所以一個就夠。」
採訪：楊潔雯 攝影：陳偉權
