拉banner預祝捧盃
意大利球迷一向有心思，就連齋睇球隊操練，佢哋都早有準備，着晒國家隊波衫唔在講，有球迷更帶埋標語、巨型國旗等物品，老遠去到杜伊斯堡捧國家隊場。好似呢位仁兄咁，全程將標語向住球員，好在有精通葡、意、西三語嘅鄭兆聰做繙譯，先知到標語大概寫住「準備好紅酒、薄餅、意大利粉，慶祝國家隊贏得世界盃。」
曾採訪世界盃、歐洲國家盃、奧運、亞運等大賽，身經百戰。
李勇明
德國躉冇晒影
現在開始有點懷念平時無時無刻穿着德國波衫的球迷，他們可以邊行邊唱着「柏林、柏林，德國隊要去柏林」，或者唔該都冇聲，順手就在你的手上或臉上畫上德國國旗的3色間。此情此景，未知會否再出現。像昨日的法蘭克福中央火車站從未如此靜過，像即將上演季軍戰的史特加，連一個穿着德國波衫的球迷都不見。
採訪過無數大賽，最鍾意捐窿捐罅搵題材，今次德國之行啱晒我。
徐嘉華
影失望球迷好尷尬
對於球迷嚟講，親眼睇住捧嘅球隊喺世界盃出局，當然難過。我哋往往就要喺比賽完場後，影低球迷傷感一刻。但呢樣嘢其實又唔易做，人哋當時咁難堪，你仲要搵個鏡頭對住人哋影影影。最搞笑有次小記又喺度影一啲球迷失望樣，有個球場保安見到，懶醒咁走去被影嘅球迷度，叫佢哋幫吓手望住我個鏡頭笑吓，真係吹漲！
肩負現場直擊畀料重任，無論你當我名家抑或明燈，都希望交到功課。
朱冠恆
