呢排天口㷫，搞到人都唔多想食飯！家有細路仔嘅吳太就更擔心嘞，想軒仔好好食啖飯，真係出到水喉鉗都搞唔掂；不過阿媽教仔就總有計嘅；佢諗到以軒仔最喜歡嘅荔枝入饌撚幾味，酸酸甜甜即刻將仔仔搞掂；不過「一粒荔枝三把火」喎！唔緊要，仲有青瓜、火龍果、芒果等菜式殿後，消暑清熱馬上戥番勻；吳太仲話生果菜入口勁Light，仔仔唔覺唔覺仲會食多幾碗飯！
記者：葉雪芯
攝影：陳偉強
示範：筲箕灣讀者吳太
荔枝火腿卷 青瓜條散熱
價錢：$14/2人份
需時：20分鐘
吳太每年夏天起碼食幾斤荔枝，但荔枝吃得多實在非常熱氣，所以她想到在荔枝菜式上加上青瓜條清清熱，青瓜爽脆加上荔枝的甜軟，口感勁特別。加上仔仔喜歡吃火腿，用火腿片卷在一起，賣相靚之餘，還可以吃到啖啖荔枝肉；吳太每次一出呢招撒手鐧，軒仔起碼食兩大碗飯！
材料：
荔枝10粒、青瓜1條、火腿5片、油1茶匙
荔枝$6/磅（a）
青瓜$6/斤（c）
火腿$15.9/170克（b）
簡易法
1.洗淨青瓜和火腿片，切條狀。
2.荔枝剝殼，去核。
3.用火腿片捲起荔枝肉和青瓜條，再用牙籤串起。
4.燒熱1茶匙油，將荔枝火腿卷煎熱即可上碟。
貼士
每一卷宜用半顆荔枝肉，甜味剛剛好，不會搶去火腿鹹味和青瓜清新味道。
荔枝釀魚肉 味道夾得出奇
價錢：$20/2人份
需時：25分鐘
除了喜歡吃荔枝，吳太亦很喜歡吃魚，將兩樣食材混在一起，味道竟然出奇地夾！荔枝的清甜更能將魚肉的鮮味帶出來，而賣相亦十分得意，就像一顆顆乒乓波一樣，可愛至極！
材料：
荔枝10粒、魚肉1碗、蠔油和生粉小量
魚肉$20/斤（a）
蠔油$29.9/510克（b）
生粉$5.9/454克（c）
簡易法
1.荔枝剝殼，去核。
2.將魚肉釀入荔枝肉中。
3.隔水蒸15分鐘。
4.用蠔油和生粉打芡，淋上面即成。
貼士
蒸好荔枝魚肉後，碟中會出現不少水份，要將水倒去，才不會影響芡汁味道。
芒果甜椒炒雞柳 五彩繽紛胃口大增
價錢：$15/2人份
需時：15分鐘
夏日水果，除了荔枝外，又怎少得了芒果呢？吳太的仔仔最喜歡吃芒果，用芒果炒雞柳，的確惹味，加入青甜椒和紅甜椒，色彩夠晒繽紛，見到都已經胃口大增！
材料：
芒果2個、青甜椒1個、紅甜椒1個、急凍雞柳1/2磅、油1茶匙、生粉、糖、鹽適量
芒果$8/3個（a）
青甜椒$6.4/斤（a）
急凍雞柳$23.9/681克（c）
簡易法
1.芒果起肉備用。
2.青甜椒和紅甜椒切粒備用。
3.解凍雞柳，切粒，加入適量生粉、糖、鹽，醃3至4分鐘。
4.燒熱油，炒熟青甜椒、紅甜椒、雞柳，再落芒果略炒30秒，即可上碟。
貼士
因芒果易熟，炒時最後才加入芒果，可避免把芒果炒爛。
火龍果炒牛肉片 清熱似涼茶
價錢：$16/2人份
需時：15分鐘
吃得荔枝多，是時候要吃清涼退火的火龍果平衡吓。吳太說：「火龍果清熱很有效，有火龍果，吃多多荔枝都唔怕！」一個火龍果才六、七蚊，功效差唔多，但平過你出街飲涼茶！
材料：
火龍果1個、牛肉6両、油1茶匙、生粉、糖、鹽適量
火龍果$10/3個（a）
牛肉$32/斤（a）
油$13.9/600毫升（b）
簡易法
1.洗淨牛肉，切片，加入適量生粉，糖、鹽、醃3至4分鐘。
2.剝開火龍果，切粒。
3.燒熱油，先炒熟牛肉，最後加入火龍果，少熱後即可。
貼士
火龍果宜切大粒，可避免炒爛果肉。
粟米紅蘿蔔蘋果湯 清潤補鐵女士最啱
價錢：$13/2人份
需時：10分鐘（未計煲湯時間）
喜歡吃荔枝，又怕燥熱，如果嫌火龍果不夠清熱，再喝這款粟米紅蘿蔔蘋果湯，雙管齊下，一定有效降火。吳太說，在湯中加入蘋果，清潤之餘，還可補充鐵質，最適合女士們飲用。
材料：
粟米2條、紅蘿蔔2條、蘋果2個
粟米$10/3條（a）
紅蘿蔔$7/斤（a）
蘋果$2.8/個（c）
簡易法
1.洗淨粟米、紅蘿蔔和蘋果。
2.將粟米切開，紅蘿蔔切件，蘋果去皮切件。
3.將所有材料放下，煲25分鐘，即可飲用。
貼士
火龍果宜切大粒，可避免炒爛果肉。