周三4強葡萄牙對法國，初段兩軍鬥攻簡直好睇到痹，之後成日見到啲球員，明明對手揩都揩唔到佢，就個個扮晒嘢飛起玩「插水」，好似葡軍前鋒保列達同中場基斯坦奴朗拿度咁，嗰邊法國就有中場列貝利頻頻跌低博罰球，啲戲誇張啲吖。唔知係咪呢排球證俾人彈執法水平太嚴，搞到今場嘅球證拉朗達唔敢向「插水」球員發牌，你哋咁冇膽，咁由我判官吹囉！