身材豐滿的康華日前大談健美妙法，就是勤做健身，每星期抽數天做gym，久而久之肌肉便會變得結實，身形更漂亮。日前她穿上三點式到沙灘拍照，但原來她很怕曬太陽，寧願去室內泳池游泳。
康華日前穿比堅尼加短裙為本報拍照，身段均勻，問她有甚麼健美心得？她說：「講真我好怕曬，所以好少去海灘游水，但就會去室內泳池游，一個星期又會抽幾日去做gym，每次做幾個鐘，慢慢做吓唞吓，肌肉結實得嚟又唔會硬晒，個shape會靚啲。」
做愛情顧問
原來康華經常為友人主持感情信箱，排解疑難，她說：「有時男仔朋友會問吓我追女仔啲嘢，有時啲女仔朋友又會問吓我，好唔好接受身邊個男仔追求，我咪先聽吓佢哋嘅個案，然後逐一仔細分析，最後就當然由佢哋自己決定。」
那康華自己遇上感情煩腦時，她又如何解決？她說：「我嘅性格幾冷靜理智，絕對唔會牽涉入人哋有問題嘅感情瓜葛之中，如果畀我知道，我一定第一時間彈開。」
拒做第三者
問康華有甚麼擇偶條件？她說：「我要求對方感情專一，有才華同事業基礎，當然佢要對我同屋企人都好。」
不過康華認為感情事不可操之過急，一切隨緣，現在仍是單身貴族的她還透露會密切留意身邊的裙下之臣。
採訪：比華利 攝影：仇志德
髮型：KinkiYiu 化妝：MeeganSeakofMaeVon 服裝：SystyrMoon
