賭王何鴻燊昨日帶同三姨太陳婉珍為中藝新店剪綵，賭王15分鐘內豪花300萬元購買翡翠首飾及菩薩像，其中只得17歲、未成年的何超雲女憑父貴，升格做剪綵嘉賓，渴望做暑期工的她，不知會否當此為暑期工？
中藝翡翠工藝店於金鐘太古廣場重開，昨日請來賭王何鴻燊做主禮嘉賓，他帶同三姨太陳婉珍、女兒超雲一同剪綵。只得17歲的超雲穿上低胸裙，淡淡定企在一眾長輩中間，她事後說：「其實我唔係好鍾意玉石，𠵱家放暑假，我好想做暑期工，不過我對媽咪嘅古董店冇乜興趣。」
大豪客來去匆匆
賭王即場做大豪客，購買鎮店之寶之一的巨型檀香木雕《三十三觀世音》菩薩像，價值188萬元，又即場認購嘉賓模特兒羅霖、何婉盈分別演繹價值104萬、10萬的翡翠首飾，15分鐘內豪花300萬捧場，他表示觀音像將放在葡京坐鎮，其後便匆匆離開，趕回澳門參加美國國慶活動。
十姑娘何婉琪近期積極接受訪問、出書大爆兄長賭王過去，又繼續登報、打官司，壓迫何鴻燊，他對此說：「嗰啲垃圾官司，唔使理，我好有信心可以解决！」至於長女超瓊仍未離婚一事，他則說：「個女都咁大個，女大女世界，唔關我事，佢自己處理喇。」問到前女婿許晉亨搭上大美人李嘉欣，賭王覺得囡囡超瓊靚，還是李嘉欣靚？賭王諗一諗說：「各有各靚啦！」
羅霖幫仔修睫毛
此外，羅霖帶同六個月大的細仔Jonathan到場，身旁的前律政司司長梁愛詩忍不住摸BB，又捉手逗玩，羅霖說：「佢好得意，全家人都當佢玩具咁玩。你睇佢眼睫毛超長，因為我等佢瞓咗覺就幫佢剪，每次剪一半，剪完就生得愈長。」
採訪：NgTinWai
攝影：MatthewLam
