郭芯其、黃囗瑩、kellyjackie、張繼聰和胡琳等昨日到香港仔拍攝「潮人熱玩summerfun」特輯，即場玩了多個遊戲，郭芯其還替張繼聰搽指甲油，十分搞鬼。
近日消瘦不少的郭芯其坦言現時體重跌至102磅，她說：「我有5呎8吋高，試過體重跌破100磅，其實我食好多嘢，只係唔吸收，食幾多就屙幾多，食得多仲嘥米飯，不過我唔係厭食，反而我同房嘅台灣女仔就係，佢喺兩個月之內減咗30幾磅，佢就係食完就即刻嘔番出嚟。」
擔心韓君婷
黃囗瑩正與胡杏兒拍攝《肥田囍事》，她坦言十分羨慕對方可以盡情狂吃，更大讚杏兒肥了之後漂亮了不少，不過她十分擔心韓君婷的情況，她說：「我擔心佢嘅健康，不過佢𠵱家可以減到下身，因為下身好難減，所以佢肥番少少就得。我都羨慕人哋咁瘦，但我就一定唔會厭食，因為我實在太鍾意食嘢。」
採訪、攝影：駱華齡