世界盃已經打到入決賽，唔理你係咪球迷，都避唔到呢陣世盃旋風。噚日德盛安聯搞咗個發布會，講今年退休金表現，最吸引記者嘅唔係發布會內容，而係德盛安聯送畀記者嘅紀念品──世盃神射手「銀靴獎」，冇錯，真正世盃神射手攞嘅係「金靴獎」，獎座上面隻波鞋係「三間金色」，由於呢隻係A貨，所以變咗「兩間銀色」。
講開德盛安聯，睇個名都知係德國公司，今屆德國辦世盃，佢哋當然瞓身支持，唔單止送銀波鞋，連成個球場名都贊助埋，咪就係今屆世界盃揭幕戰嘅「安聯球場」（AllianzArena）囉。個場用咗3.4億歐羅，折合33.5億港紙建成，世界盃之後，就會成為德國足球班霸拜仁慕尼黑嘅主場。