非法邨巴問題困擾本港多年，運輸署出盡法寶，但問題仍無法解決。代表邨巴業的公共巴士同業聯會主席楊偉雄稱，運輸署以「放蛇」方式打擊非法邨巴時有所聞，但都未能對症下藥，令合法邨巴反受其害。
行家轟亂放蛇
楊偉雄說，曾有行家向運輸署投訴區內出現非法邨巴，但運輸署的打擊行動居然針對合法者。「唔知點解會放番我哋巴士嘅蛇，之後仲要我哋解釋，點解開車時間會早幾分鐘，同申請時唔同，但啲非法嘅就繼續行。」
據他估計，現時全港非法邨巴約有數十部，多活躍於往返偏遠的鄉郊地方及交通交滙處，如元朗及觀塘區一帶。他直言，對比現時全港300多條合法邨巴路線，約有1,200架旅遊車，非法邨巴的比例雖然較小，但遺禍卻不淺。「人人聽到邨巴都以為非法，搞到我哋攞正牌做生意嘅都俾佢哋抹黑埋！」他又批評，運輸署為了「斬腳趾避沙蟲」，不惜壓榨合法邨巴的生存空間。「以前我哋可以做商場免費巴士嘅路線，但𠵱家運輸署話唔好同小巴爭生意，唔再批出呢啲線。」