組合Twins和李克勤等前晚在將軍澳出席《勁歌金曲熱唱世界盃》直播，Twins呼籲fans找暑期工要小心，事關鍾欣桐（阿嬌）曾經被騙，她說：「當年我喺高級時裝店做暑期工，有兩個男人攞1,000蚊嚟買嘢，之後找錢時，佢又要買嘢，搞一大輪，原來佢哋想呃我啲衫，結果公司要扣我糧。」
另一方面，有指金牌不滿無綫以大堆頭藝人出席前晚活動，所以不讓古巨基出席，因此原本由基仔獲得的冠軍歌改頒給克勤的《我著十號》，克勤對此說：「歌手只係唱片公司嘅棋子，我未去德國前已經book咗期今晚出席，唔係臨時加，其他嘢唔係歌手範圍。𠵱家去到世界盃決賽周，我隻歌攞第一位都好順理成章，不過做歌手都係好被動。」
林敏驄約阿叔飲茶
擔任嘉賓主持的林敏驄問記者林尚義可有用到他贈送的指甲鉗，記者轉述阿叔謂「不與他癲」，他即說：「佢又知我癲？完咗世界盃我會搵阿叔飲茶，因為我同阿叔係同一陣線。」
採訪：藍文浩 攝影：陳俊強
