【巴黎直擊】李嘉欣前晚在巴黎獲邀欣賞Dior騷，她透露與Dior將有新合作計劃。同時獲舊愛劉鑾雄和新歡許晉亨寵愛的她，前晚直認是個人主義者，只會因應自己的喜好行事，所以平日不看男裝也不睇波，提到「男友」二字，李嘉欣更即時火速入場睇騷。
巴黎近日受熱浪侵襲，氣溫高達36度，專程飛赴法國的李嘉欣，前晚出席名牌DiorHauteCouture（高級訂做服）時裝騷時，卻愛靚唔愛命地穿上Dior墨綠色秋冬新裝示人，在Dior高層陪同下到場。同場坐第一行睇騷的，包括有荷李活女星莉芙泰萊（LivTyler）、杜莉芭里摩亞（DrewBarrymore）及雪兒（Cher）等。
問嘉欣會否感到太熱？她說：「OK啦，我噚日先到，dryhot都受得住。」再問她此行為何不順道欣賞日前的DiorHomme男裝騷？她說：「我係好個人主義嘅人，只會睇自己鍾意嘅嘢，我對女裝有興趣多啲。」
近日世界盃熱潮席捲全球，法國隊捧盃有望，問嘉欣會否留在巴黎感染氣氛或轉飛德國睇波？她說：「熟我嘅人都知，我唔睇波㗎。」再問她平日會否陪男友睇波，她說：「我陪朋友，只會做啲我鍾意嘅事。」
工作密麻麻
嘉欣又表示留法期間只能短暫shopping掃貨，因稍後與Dior有新合作計劃公布，她說：「我從來都冇唞過，好多嘢做，我已經落實拍一套內地電視劇，𠵱家同杜汶澤拍緊套電影。」
工作編排密麻麻，拍拖時間難免減少，男友可有不滿？嘉欣一聽到有關感情的問題即迴避說：「呢啲我哋遲啲先傾啦！」依嘉欣向來選在大騷或大job前才爆料的習慣，相信此問題要等待下一個廣告商活動才有答案。
採訪：梁錦貞 攝影：葉君海