意大利贏咗德國，呢度嘅德國人有啲話要罷吃意大利菜，我睇就冇咩可能喇！事關呢度有好多意大利餐館，開到成行成市，幾乎每條街都有一間意大利餐館呢！其實意大利同德國都好近，所以有好多意大利移民嚟呢度住。細細個我已經接觸到唔少意大利菜，好似Tiramisu、意粉同薄餅我都成日食呢！仲記得有個同學仔，佢生日嗰時仲會請我哋啲同學去意大利餐館任食，所以意大利菜真係同德國人分唔得開㗎！
我自己當然唔會罷吃意大利菜啦！其實德國人食嘢好保守，03年返嚟探朋友嗰時，佢哋啲飲食習慣都冇乜點變；反而意大利菜就有好多變化，啲意粉同薄餅都可以有好多唔同嘅配料。真係幾好味㗎！雖然德國輸畀意大利，不過我都會喺走之前食多啲意大利菜！
袁彩雲
無綫世界盃直擊主持