賭王何鴻燊返內地搵食，不過唔係開賭，而係私人物業投資，重建北京友誼商店，成個項目投資40億元人民幣，前日喺北京簽約。兩三年後，一座以澳大利亞技術和設計風格，集合寫字樓、公寓及大型購物商場嘅綜合大廈將會落成。
重建嘅友誼商店隸屬於西單友誼集團，係北京市國資委旗下、京城最大嘅零售商之一。年紀稍長嘅北京人幾乎都知道，友誼商店係中國第一家較大規模，為常住外賓、旅遊團隊提供多種服務嘅涉外商店。改革開放後，開始面向社會開放，成為京城著名商場之一。
重建將會喺今年底動工，預計09年上半年完工。但何鴻燊話，希望爭取大廈喺北京奧運前投入使用。
聽聞整個談判過程，實際上只須兩個月便大功告成，可謂神速。何鴻燊話，項目建成後雙方嘅持股比例，到家吓都仲未確定。