法國今屆世盃可謂及時谷底反彈，佢哋能夠殺入決賽，絕對同佢哋隻幸運公雞有關。話說法國分組賽對南韓，有球迷帶咗隻公雞入場睇波，仲要不停搖吓搖吓咁，搞到隻公雞反晒白眼。點知俾德國嘅防止虐畜會喺電視昅到，下令禁止帶動物入場，跟住法國冇咗隻公雞入場之後愈戰愈勇，即刻搞掂多哥、西班牙、巴西同葡萄牙入決賽，咁仲唔關隻雞事？