人就係咁犯賤，玩呢啲非法賽車Game嘅時候就好大膽！將部車衝入公園，呢個係玩NEEDFORSPEEDMOSTWANTED嘅經驗，成群勁爆A.I.警車圍剿同狙擊，等我泥足深陷。
家陣個Game又有新專輯出！遊戲已經進入最後開發階段，11月將會推出全新專輯CARBON，據聞遊戲入面有25條全新賽道，有城市戰更有CanyonRacing，喺啲彎多路窄嘅山道狂飆。你可以組隊或同啲A.I.車手聯合，仲可以設計自己同隊友架戰車，做各種Tuneup。
遊戲入面加入全新嘅霸地盤模式，喺地圖爭霸模式入面，有3個大地圖，每個地圖分為7個區域，大家可以通過比賽而攞到呢啲區域嘅控制權。當霸到「地盤」之後，就可以喺特定區域入面享有着數，例如可以用相對平嘅價錢買「補品」。啱啱攞到廠方最新遊戲畫面，畀各位「車神」望梅止渴先！
目前為止，EA公布遊戲對應機種有Xbox360、Wii、PS2、PS3、Xbox、PSP及NDS。
記者：戴維浩