【記者黃嘉寶報道】與偶像波歷克在柏林奧林匹克球場上擦身而過，仍裝作鎮定；與後備球員打招呼，卻慘食檸檬，三名代表香港到德國為世界盃擔任持旗手的小球迷日前返港，昨日興奮地講述與德國和阿根廷兩支球隊的球星近距離接觸的見聞，但他們都異口同聲說：「最慘係攞唔到佢哋嘅簽名！」
韋健豪及林展廷等六位香港少年在6月30日舉行德國對阿根廷的8強賽事中，高舉世界盃公平競技旗幟，引領球員進場。韋健豪說：「準備出場嘅時候，見到波歷克，互相揮手；到完場時，又見到舒韋恩史迪加，我豎起拇指讚佢哋，佢見到都有同我笑。」林展廷則說：「我都有同基斯普打招呼，佢好親切。」
「想法國替德國復仇」
不過，領隊事先提醒他們，不可向球員索取簽名、拍攝，以免影響球員出賽心情，因此他們只能將與球員四目交投、擦肩而過的記憶銘記在心。韋健豪說，最令他難忘的是當地氣氛，德國戰勝阿根廷一刻，全場歡呼聲此起彼落，「阿根廷嘅支持者只係得一小撮，主場真係有利啲！」走到街上，全城瘋狂，「有人走出馬路搖旗，都無畀差人鬧；又有人上巴士，開咗個頂，喺上面搖旗。」
世界盃盟主之爭，德國隊擁躉韋健豪已改為支持法國隊，「意大利累德國出局，我要德國第三，法國要贏，為德國報仇。」本身是中德混血兒的他又希望，將來代表德國出戰世界盃，從今苦練球技和德文，「今次我仲學到做假動作嘅時候，個身郁多啲，好多球員都係咁！」