前法國國腳佐卡夫繼睇巴西對法國場波畀球會知道可能被炒魷後，周三德國傳媒踢爆佢當日被德國警方拘留，最後交保釋金先至趕得切睇場波。事緣佢5年前效力凱沙羅頓嗰陣，一次交通意外撞爛架車，仲好似佢偷偷地去睇決賽周咁粒聲唔出走咗去，連7萬7千歐元罰款都冇交。我判官覺得佐卡夫做人同踢波一樣蠱蠱惑惑，好彩呢次德國警方醒目，今次斷正啩！