超級球迷張文慈（Pinky）和林韋辰，連日捱更抵夜追看世界盃，在睡眠不足情況下，皮膚和體質都大受影響。近月開始茹素的林韋辰，日前親手調製健康特飲，跟Pinky齊齊消暑和降火。
張文慈近日為亞視拍攝節目《美食俏嬌娃》，要與攝製隊四出捐窿捐罅尋找美食。日前她相約了老友林韋辰到黃埔一間西餐廳品嚐，雖然美食當前，但二人都正在節食減肥，所以只能淺嚐。
巴西輸波谷爆
Pinky和林韋辰都是超級球迷，近日都捱更抵夜捧世界盃，捱夜本已對身體不好，加上Pinky力捧的巴西隊輸波，被擯出四強，火氣更盛。近期轉向茹素的林韋辰即建議炮製一款健康特飲給Pinky，好讓她消暑又降火。Pinky在林韋辰的指導下，逐一把橙汁和西梅汁混合，不消五分鐘便調好一杯顏色鮮艷又解渴的健康飲品。
為食的Pinky即搶着試喝，她說：「好甜，好好飲，佢嘅製法好簡單，呢排成日捱夜睇世界盃，又食埋薯片同零食，加上又唔夠瞓，皮膚都差咗，所以飲番杯健康飲品，增加維他命C，人都醒啲。」
忍痛頸背紋身
穿上吊帶裙，把頭髮束起的Pinky，頸背卻被發現有一個紋身，她說：「我紋咗好耐㗎啦，呢個係梵文嚟嘅，當時紋上去都幾痛，但嗰一刻好想去紋咪紋囉。」問到Pinky身上其他部位還有紋身嗎？她即說：「冇啦，始終拍嘢身上太多紋身唔方便，我紋喺頸尾，都係貪佢可以用頭髮遮住。」
此外，林韋辰開始食素幾個月，再配合做運動，消瘦了十多磅，他說：「清減啲人都爽啲，我會keep住呢個體形。」林韋辰還向Pinky介紹自己減肥方法，看到他這個成功個案，她羨慕不已。
採訪：比華利 攝影：陳俊強、林德雄
張文慈髮型、化妝：HeidiKam
場地：O'CarolRestaurant&Bar
