巴西出局後球迷大鬧大喊，班球星卻繼續搞派對落夜總會，講緊邊個？知咪細哨朗拿甸奴同阿祖安奴囉！原來兩位冇隨隊返巴西，而係去咗巴塞隆拿，仲喺細哨屋企搞派對，之後仲去夜總會㖭！最諷刺係近日細哨仲話自己好傷心，睇來佢EQ都好高啫！據講，細哨之後會返巴西，如果呢單嘢畀先前焚燒佢人像嘅球迷知道，後果真係不堪想像，都係暫時唔好返巴西喇！