最近有周刊影到田二少同個女人一齊，懷疑田二少又有緋聞。八方都有啲擔心，話晒田二少先排先俾人影到佢同個空姐一齊，如果又整多劑，田二少返屋企睇怕有排解釋，但好彩呢鋪係間周刊誤把馮京當馬涼，原來相中人唔係咩紅顏知己，而係田二少個女！
田二少上次單緋聞料，據講佢老婆已經原諒咗佢，田二少啲友好話，希望大家日後手下留情，如果影到乜相，記住同田二少求證吓，希望啲傳媒唔好再搞錯喎！不過話時話，田二少份人事忙，不時神龍見首不見尾，要搵佢都唔係話搵就搵到，所以為免產生誤會，八方建議啲名人加強透明度，日後有記者call就必覆，逢覆又要早，咁就無走雞啦！