貿發局公布06年度年報，話由於可以利用更少資源提供更多服務，而享用貿發局服務嘅港商及海內外企業亦創新高，分別達2萬家同11.44萬家，期內貿發局盈利增加咗74.7%至1.21億元。不過，政府喺期內嘅撥款減少咗2000萬元，營運收入成為主要經費來源，佔營運開支嘅85%。
做出咁嘅成績，唔怪得林天福總裁嘅人工亦水漲船高，由05年度250萬至300萬元，跳升至06年度嘅357.2萬元，當中包括與表現掛鈎嘅花紅，若連同住宿其他津貼等收入，年薪總額有成485萬元。
雖然林總裁有人工加，但係其他員工唔知可唔可以分享到成果，因為貿發局嘅整體薪金同行政支出佔總支出比例，由05年度嘅33%降至31.8%，比例係歷嚟最低。