混血名模AnaR.昨日出席手袋活動時，對於有雜誌刊登其走光露點相作封面，她大感無奈，但否認報道指她大踩同行如Rosemary和樂基兒等，可是昨日完騷後，眾女模均火速離場，沒有留下撐她。
手袋品牌Coach昨日於尖沙嘴舉行06秋季手袋騷，混血女模AnaR.成為全場焦點，皆因她登上一本雜誌封面，相片中的她不但走光露點，更在該雜誌的訪問中狂踩多位同行，一時寸樂基兒平胸，一時笑Rosemary膚色黑、乳頭更黑，更暗示與LisaS.只是表面朋友云云。
專業冇得揀
AnaR.昨日巧合地與報道中的名模齊齊行騷，現場所見，AnaR.表現自然，無甚芥蒂，更滿臉笑容拉着LisaS.影合照，完騷後，她更不理經理人安排，自行接受記者訪問，為事件解畫。
多年前曾在雜誌《Maxim》封面露乳暈的AnaR.，昨日表示為再次在雜誌封面露點不悅，她無奈地說：「我初時只係唔開心，但睇真發現都幾大件事，唉，最慘其實我唔係第一次出事，第二次喇！我只可以當一個笑話去睇啦。我要影封面，又係專業模特兒，着乜衫我冇選擇餘地。」
折返講好話
AnaR.又發牢騷說：「其實我已經貼滿膠紙，唔知點解會咁？雜誌又要揀呢張相登？」她更強調沒說人是非，她說：「大家是好好朋友，經常一齊飲茶、去玩。我哋做騷冇爭執不和，我都唔會做、唔會講啲傷害人嘅事，我想我暫時要遠離呢啲訪問！」
不過，完騷後眾女模火速離場，沒有人留下來用行動撐AnaR.，只有因為遺留功課而折返的樂基兒，匆匆回應兩句說：「我同Ana係好朋友，我好相信佢。」
採訪：NgTinWai
攝影：RickyChan
