鄧穎芝同高皓正（左）噚日到港台接受訪問，鄧穎芝近日為睇世界盃，搞到冇嚟精神，噚日凌晨欣賞完意大利對德國嘅四強賽事後，仲搞到聲都沙埋，因為佢捧德國隊，可惜最後德國輸波，鄧穎芝話：「好彩冇買波，唔係就輸死人，真係意料之外。我就會改捧法國隊攞冠軍，因為施丹最後一屆，都要畀佢開心吓，而且施丹都好型。」