前日本隊教練薛高終於搵到班落，佢未來兩年將執教土耳其費倫巴治，總算達成執教歐洲球會嘅願望。大家或者會擔心喺日本搵食近15年嘅薛高，會唔會適應唔到土耳其足球，我判官就覺得唔怕喇！因為該隊有4名巴西同鄉，加上打法似足巴西波，又有艾比亞、前巴西國腳阿歷士等名將，薛高絕對可以勝任。唯一擔心係當地球迷太火爆，唔知佢頂唔頂得順？