大聲公比賽搞氣氛
主辦大型活動，搞好現場嘅氣氛好重要，觀眾投唔投入、口碑好唔好，基本上氣氛決定一切，如果香港有機會搞大型運動會，不妨效法德國咁，包保現場觀眾畀滿分。德國每個大城巿都有fanfest畀球迷睇直播，中場休息時間，大會搞咗個鬥大聲比賽，遊戲玩法愈大聲愈高分，累積咁多日比賽，法蘭克福河畔排榜首，比有幾十萬人嘅柏林仲高分。
曾採訪世界盃、歐洲國家盃、奧運、亞運等大賽，身經百戰。
李勇明
耶穌預知德國輸波？
德國對意大利4強賽前那個下午，有人在勃蘭登堡門附近派發這張宣傳單張，原來是基督教傳張，入面寫道：「人們可以預計球賽的時間為90分鐘，但人生在世的時間無可預測，一場比賽可能是某球星的告別賽，也許這份單張的內容是他人生唯一的信主機會……」單張還提醒人們要用平靜、和平的心去細讀箇中文字，莫非早料到德國的球迷有此需要？
採訪過無數大賽，最鍾意捐窿捐罅搵題材，今次德國之行啱晒我。
徐嘉華
佩服歐洲全民皆波
歐洲人對足球嘅熱衷程度，真係冇得頂，男女老幼全民皆波！呢日德國對意大利賽前，多蒙特球場門口有大班意大利躉；其中呢位阿太係咁捉住小記，豎起3隻手指講：「意大利贏3:1，意大利贏3:1…」問佢邊個入波，阿太就話3球都係東尼入，要意大利人贏埋神射手寶座咁話，服咗佢之餘都俾佢哋擁護球隊嘅誠意感動。
肩負現場直擊畀料重任，無論你當我名家抑或明燈，都希望交到功課。
朱冠恆
