近日卿姐出咗本新書《卿描淡寫》，但係內容就絕對唔輕。八方覺得佢本書寫得都幾認真，唔係純粹求其輯錄佢嘅政論，而係成本回憶錄咁，連佢細個住喺舊唐樓嘅家庭生活都有提及。
卿姐喺本書度講咗唔少關於佢留學同15年記者生涯嘅感受，仲話自己𠵱家咁硬淨，係遺傳自佢阿媽，同埋由細到大嘅成長環境培養出嚟。
卿姐仲搵咗幾位政界人士講吓對佢為人嘅睇法，是敵又是友嘅曾鈺成就乘機幽佢一默，彈卿姐普通話差不特止，仲話見到維園阿伯鬧佢會覺得好心涼。
本書以政治為主，夾雜家庭生活同個人喜好，但就冇提到佢嘅感情生活，淨係講政治上同男人嘅恩恩怨怨，八方覺得唔係好夠喉。