林嘉欣的演技早已得到大家認同，不過仍被唱歌考起，為應付舞台劇《月亮7個半》的演唱部份，嘉欣最近推掉所有電影工作，專心跟詹瑞文學做戲兼學唱歌，連說話技巧都要重新學起。
林嘉欣最近忙於為兒童劇《月亮7個半》綵排，兩番奪得金像獎的她，演技早已獲得肯定，不過今次演出仍然緊張，因為她於劇中會唱不少歌，嘉欣笑言雖然出過唱片，但相信不會有太多人記得其歌手身份，她說：「嗰時我出碟次次都撞正有戲拍緊，次次都做唔到宣傳，所以好多人唔記得我都係一個歌手，我喺台灣都有舉行過簽名會㗎。」
戒甜免起痰
雖然嘉欣曾經出碟，但甚少唱現場的經驗，她說：「今次詹瑞文搵咗個老師教我唱歌技巧、點樣發聲同埋點樣去保護把聲，所以我近來除咗煎炸嘢唔食得之外，連甜嘢、牛奶都要戒，因為怕到時起痰呀。」
除了唱歌的技巧要學之外，嘉欣就連說話的技巧都要重新學習，雖然沒有懶音，卻被師傅詹瑞文發現說話時的毛病，嘉欣說：「有一日詹Sir突然問我坐的士時，講目的地畀司機知係咪起碼要講兩次，當時我好愕然點解佢會知，後來詹Sir話我講嘢講得太快，佢教我要每一個字都咬完晒個音。」
採訪：李珮洳
攝影：陳偉權
髮型：HinWanofilcolpo
化妝：WillWong
服裝提供：ZTAMPZ
