前晚意大利對德國場波，喺梵蒂岡嘅德國籍教宗本篤16世都有睇，但未完場就去咗瞓覺，仲叫人第朝話賽果佢聽。判官覺得場波當地時間夜晚9點開波，打完都係11點幾，教宗中途離場可能係場波太悶啫！講番賽果，教宗第朝起身實好唔開心，不過佢其實應該預咗，因為意大利82年世盃4強亦以2:0擊敗波蘭，當時教宗若望保祿二世正係波蘭人，真係蹺喇！