溫碧霞即將拍攝劇集《康熙微服私訪記5》，趁着空檔，早前遠赴意大利充電。日前她穿三點式拍照時，表示在《康》劇中扮演妃子，服侍尊龍飾演的康熙，更會唱劇集片尾曲，原本不再拍劇的她，也被各種條件利誘下打破諾言。
溫碧霞（Irene）和尊龍合演的電視劇《康熙微服私訪記5》將會在內地開拍，由於一拍就得花上至少三個月，所以趁未開工，特別到意大利充電，難怪日前她替本報拍三點式照時，狀態甚弗。
再闖樂壇
本來打算不再接拍電視劇的Irene，今次打破承諾，原來因為對手是尊龍，她說：「第一次同尊龍合作，我做康熙嘅妃子宜妃，好有挑戰性，個配搭又新鮮，今次係《還珠格格》導演個班底拍，所有組合都咁好，仲加埋我會唱片尾歌，有咁多好條件，點解唔拍？」
原來今次唱插曲，是Irene進軍內地唱片市場的一着，她說：「一直都同內地公司傾緊出唱片，內地有好多fans都問我點解唔出唱片，今次係一個好機會。」
自詡幽默
Irene對《康》劇充滿信心，她說：「我演宜妃一角同以前個啲好唔同，要扮鬼扮馬，角色好討好，講我聰明機智兼有幽默感，講到幽默感呢方面，我絕對唔差，只係我以前冇機會接觸呢類角色。」
採訪：魯萍
攝影：陳偉權
場地：香港酒店
