陳苑淇噚日到商台宣傳新歌《忍無可忍》，佢話呢首歌係講個男仔一腳踏兩船，但女主角依然為對方講好說話。之前陳苑淇嗰個任職消防隊長嘅緋聞男友，就被傳媒拍到一腳踏四船，呢首歌似乎係影射對方。不過陳苑淇強調只係咁啱得咁蹺，又話同消防隊長只係好朋友，佢話：「錄首歌時都有喊，但就唔係諗起佢。」