劉德華與吳彥祖昨日在西貢碼頭拍攝新片《門徒》的宣傳片。華仔在片中扮演販毒集團首腦，染了一頭灰白色的頭髮，與扮演其門徒的吳彥祖形成強烈對比，而懷有身孕的袁詠儀則扮演華仔的妻子。
劉德華和吳彥祖昨日到西貢拍攝新片《門徒》，扮毒販的華仔以一頭灰白髮造型示人，圍觀的街坊更大讚他靚仔，華仔說：「我個角色45歲，其實做番我自己個年紀，不過因為想表達我同吳彥祖係兩個年代嘅人，所以要扮得老啲，戲入面靚靚（袁詠儀）做我老婆，講我有個女㖭！」
大肚拍紀念作
現場見華仔戴了一隻結婚戒指，他笑說：「哈哈，Chilam（指張智霖）同靚靚嘅結婚戒指喺我度！」問華仔是否演大奸大惡的毒梟？他說：「唔係大奸角，角色講我販毒，但本身有糖尿病，要打胰島素，就好似吸毒咁，好諷刺。」爾冬陞說：「我同陳可辛走去游說靚靚拍呢部戲，咁啱個角色都係要大肚，我叫靚靚接之前先開家庭會議，因為要去泰國拍外景，不過靚靚都話想喺大肚時拍部戲留念，所以佢好爽快咁答應咗。」
元寶誓告無綫
而華仔新歌《累鬥累》大前日才首播，但互聯網上竟有人非法下載，華仔得知後，仍苦中作樂說：「知道新歌俾人非法下載，白髮都嬲到識出煙！」
此外，有份參演《門徒》的元寶，去年八月於番禺拍攝無綫劇集《人生馬戲團》時遇襲受傷，事後卻未獲無綫續約，昨晚他表示受傷其間，無綫雖有出糧及支付住院費，但仍會控告無綫，他說：「因為無綫冇同我買勞工保險，所以我會向法援署求助控告無綫，我就冇錢同咁大間公司打官司。」
無綫外事部助理總監曾醒明回應說：「公司有幫全職藝員買勞工保險，但元寶當時簽乜嘢合約要再了解，我哋已經按照勞工法例做嘢。」
採訪、攝影：魯萍
