嘩！究竟呢期啲車迷搞邊科，不論係咩車，總之見到車頭有個圓圈，圓圈入面有VW2個字，車尾仲有埋GTI這組英文字的話，就會直豎拇指叫好，當中例子是德國福士的GolfGTI和PoloGTI。但當我在7月1日遊完行返到屋企，攤開最新1期《AutoEXPRESS》睇嗰陣，就見到有單料話福士車廠連啱啱出咗新款嘅豪華房車Passat都唔放過，話要幫佢出番部GTI版喎！齋睇相已經覺得部車唔嘢少，全車落晒跑車包圍似足落場用車咁，加埋18吋大胎軨同埋Low低咗25mm嘅跑車避震，Handling一定好好多。引擎仲得人驚，有傳它會用輸出500匹的3.2公升Twin-Turbo型號。咁搞法，其他跑車真係無運行！
選出19款好車
在雜誌的中央有1本別冊，原來是編輯部按不同種類的汽車，選出合共19款好車，其中新款雷諾Clio憑着較舊有型號有多方面改變，在Supermini小車組別中勝出，同是新款的平治S-Class則在豪華房車級別勝出，原因是它各方面也比同級車優勝。
記者：鄭達基