薛凱琪（Fiona）、黃浩然及鈴木仁前晚在尖沙嘴出席電影《新紮師妹3》慶功宴，黃浩然由第一集開始已有份演出，問他覺得Fiona跟前集主角楊千嬅誰NG較多？黃浩然說：「我覺得千嬅多啲，因為千嬅成日喺度笑，而Fiona就sell可愛，仲成日喺片場整蠱人。」
出水着寫真
前晚所見，Fiona真的如黃浩然所說四出搗蛋，更將活動貼紙貼在鈴木仁的背脊，她笑說：「佢哋試過喺我瞓着覺，將啲餅乾碎放入我頭髮度。許紹雄又試過想將可樂倒入我飯盒入面。」問她為何不責罵對方，她說：「佢係前輩，我唔敢咁玩。我最叻係將貼紙黐喺導演背脊。」
此外，薛凱琪昨日到商台接受訪問，她透露將會拍攝寫真集，更會以泳裝上陣，她笑說：「呢隻牌子嘅泳衣係適合身材唔犀利嘅女仔，唔係sell大胸。」
採訪：魯萍 攝影：陳俊強