二人女子組合Twins昨日先後到港台及新城接受訪問，蔡卓妍（阿Sa）和鍾欣桐（阿嬌）稍後將會夥拍田亮主演新片《雙子神偷》，兩人坦言不怕被對方的笑容電暈，阿Sa笑說：「我哋訓練好堅定，大家都係拍戲啫。」
愛買大藍籌
當主持人李志剛表示Twins已到適婚年齡時，阿嬌即急急表示她們沒有拖拍，阿Sa亦說：「聽專家話40歲之後生BB會聰明啲，女仔首先要有事業先，要有能力養到自己。」阿Sa更自爆現時已經努力儲蓄，如果慳慳地可以用到60、70歲。
此外，有報道指阿嬌投資有道，炒樓賺大錢，阿嬌說：「我買樓通常都係自住，而且投資嘅嘢交畀屋企人打理。屋企人試過有人炒燶咗股票，所以我就好少買。」至於阿Sa則多買股票，她說：「我通常買藍籌，穩陣啲，阿婆試過買股票賺咗四層樓。」
採訪、攝影：駱華齡、王連連