劇集《法證先鋒》演員林文龍、蒙嘉慧及歐陽震華（Bobby）昨日現身將軍澳電視廣播城，接受《都市閒情》節目訪問。
近日有報道大字標題指郭可盈跟李克勤暗交四年，更指二人戴上同款情侶卡地亞手錶，以及用同款電話，郭可盈丈夫林文龍被記者問到有關報道時，他淡然地說：「無聊，我唔會問可盈，冇乜好問，唔會為呢啲無聊新聞花時間去講，大家都知道乜嘢回事，講吓啲正面嘢仲好。」
根本唔係考驗
林文龍指事件不會影響他和郭可盈的婚姻，他說：「梗係唔會，我同可盈百分之一百信任對方，不過我哋已經咁多年，呢個根本就唔係一個考驗。」
此外，同場的蒙嘉慧就大談她和Bobby在《法》劇的一場床上戲，她說：「我睇書見到我同Bobby張床上劇照，覺得好靚，不過同佢太熟，冇feel。」她昨日又到銅鑼灣出席護膚品宣傳活動，穿短裙露出一雙長腿慶祝增磅成功，蒙嘉慧說：「呢排日日通宵開戲，一得閒就有生果零食，食到肥咗，上鏡都好睇咗。」
採訪、攝影：何永寧、楊潔雯
