近日本港室外氣溫動輒高達攝氐30多度，古天樂在電影《生日快樂》中與劉若英合演情侶，片中講述古仔如何為女方慶祝生日。在烈日下架上眼鏡扮斯文、裝瀟灑，其實背後熱到飛起，令古仔叫苦連天。
古天樂、劉若英、吳耀漢和吳嘉龍（Carl）昨日於薄扶林香港大學宿舍，為馬楚成導演的新片《生日快樂》舉行開鏡拜神儀式。
扮斯文好辛苦
由於天氣炎熱，一眾演員熱得汗流浹背，不停抹汗，劉若英更由助手打傘防曬。古仔接受訪問時表示氣溫實在太熱，難為他還要架起眼鏡扮大學生，他說：「熱到想溶仲要戴住眼鏡扮斯文，真係好辛苦。」回想過往跟女朋友過的生日，通常都是女友給他驚喜，古仔笑說：「多數係佢哋要求，我只係執行者，佢哋嘅要求好多時令我打個突，試過叫我喺沙灘用蠟燭砌個心，點知點完兩支就俾風吹熄。」
本片改編自劉若英撰寫的散文集《HappyBirthday》，劉若英以廣東話說：「呢本係我第三本散文，之前冇諗過會拍成電影，好開心師傅張艾嘉將佢改成電影。故事講述書中男主角每年點樣為女友慶祝生日。」
為張艾嘉復出
至於吳耀漢和吳嘉龍兩父子在新片中則沒有對手戲，吳耀漢表示近年甚少接拍電影，他說：「自從我十年前移民英國，就諗住退休，但張艾嘉e-mail劇本畀我，睇完之後好鍾意，所以即刻返香港開工。」對於兒子經常跟圈中女星傳緋聞，他表示不足為信，又表示男人應以事業為重。
採訪：攝影：何永寧
