噚晚我去多蒙特同無綫直擊德國對意大利。為咗呢次直擊，我專誠去咗當地嘅officalshop，買咗件德國波衫着住睇波啦！其實我咁大個女都未買過波衫，今次都應該買番件德國波衫着吓喇，我仲買咗1紅1白兩件咁多㖭！
雖然德國隊着白衫，不過我想件白衫留番德國入決賽先着（執筆之時仍未知德國會否出線）！所以我就揀咗着紅色嘅。我覺得𠵱家嘅波衫好通爽，款式好，着起都好型，但又唔會好男仔頭喎！最好波衫襯條迷你牛仔裙，但係今次同無綫做直擊，因為現場人太多，所以都係冇着出嚟，下身都係着咗條長褲。點都好，如果德國入到決賽，我一定會着件波衫襯迷你裙！
當地嘅球衣及足球精品點都大減價，如果你嚟德國或者有朋友喺度，你記得叫佢買多啲手信啊！
袁彩雲
無綫世界盃直擊主持