「阿爸賭錢時成個人變得好惡，同平時唔同，有時贏咗錢會畀零用錢我哋幾姊妹，買啲好嘢食返屋企。媽咪同我哋六姊妹都話賭錢唔好，趁佢心情好時會勸佢戒賭，寧願唔要食好嘢同零用錢。但佢賭癮好深，無理我哋，結果條命都冇咗啊！」疑因賭錢被扑死的劉邦好，其就讀中二年級家中排第四的14歲女兒真真，懂事的道出失去父親的傷痛。
「我哋自細就知爸爸爛賭，媽媽好辛苦養育我哋，好注重我哋嘅教育。我哋六姊妹個個都好勤力讀書，攞咗好多獎狀，希望將來可以出人頭地，好好照顧同回報媽咪。今次爸爸咁樣死咗，我哋一定會更加努力讀好啲書！」真真以堅定的語氣面對「沒有父親」的未來，同時將父親隨處放在屋內的賽馬投注及六合彩表格棄掉。
教女兒別貪不勞而獲
死者妻子黃芳在失去丈夫的打擊下，哭成淚人，指嗜賭令丈夫多年來無心工作，一蹶不振，她慨歎說：「佢喺內地時已經喜歡賭錢，嚟咗香港有咗家庭都唔肯改，咁多年嚟都係打散工，近十幾年失業，要攞綜援養家。好彩啲綜援金由我保管，唔會畀佢輸晒啲家用！」黃婦指丈夫有時輸錢會向她取幾百元用，她亦深信丈夫可能有欠賭債，但從未試過有人上門追債。
黃婦幽幽地說：「我好注重女兒嘅教育，教佢哋唔好貪不勞而獲嘅金錢，點知我老公佢成世人俾賭錢拖累，爛賭拖垮整個家庭！」她說罷又流下眼淚。
本報記者